श्रीरामपुर मुख्य मार्केट आवार मधील सुविधा

मा.खा.डॉ.पदमभूषण बाळासाहेब विखे पाटील व्यापारी संकुल

श्रीरामपूर बाजार समितीमध्ये भाजीपाला मार्केट हे सन १९६० सालापासुन आहे. त्यावेळी व्यापाऱ्यांना व्यवसाय करणेकरीता बाजार समितीने पत्र्याचे व्यापारी दुकानगाळे २५ बांधलेले होते. परंतू आता व्यापारात वाढ झाल्याने व भाजीपाला आवक जास्त प्रमाणात येत असल्यान व्यापाराकरीता नविन २६ दुकानगाळयांचे भव्य व्यापारी संकुल विदयमान संचालक मंडळाच्या प्रयत्नाने बांधण्यांत आले.

मा.आ.जयंतराव ससाणे व्यापारी संकुल

श्रीरामपूर बाजार समितीमध्ये भाजीपाला,व्यापारी व बटाटा व्यापारी एकत्रच व्यवसाय करीत होते. व्यापाराची व्याप्ती वाढल्याने जागा अपूरी पडत होती. म्हणून विदयमान संचालक मंडळाने निर्णय घेवून नविन बटाटा मार्केटची उभारणी केली आहे. याठिकाणी एकूण २२ दुकानगाळे बांधण्यांत आले.

पेट्रोल पंप

श्रीरामपूर बाजार समितीस हिंदुस्थान पेट्रोलियम कॉर्पोरेशन लि. या कंपनीची डिलरशीप मिळाली आहे. बाजार समितीने पेट्रोल पंपाकरीता ३० गुंठे जागा एच.पी.सी.एल.कंपनीला कराराने दिली असुन सदर जागेचे भाडे हे दरमहा ८०,०००/- रू. बाजार समितीस मिळत आहे. तसेच पेट्रोल पंप चालविण्याची एजन्सी मिळाल्याने पेट्रोल व डिझेल विक्री बाजार समिती स्वतः पेट्रोल पंप चालवित आहे. पेट्रोल पंप चालु करण्याकरीता बाजार समितीने जनरेटर, नविन डी.पी.उभारणी,अग्निशामक यंत्रणा, एअर कॉम्प्रेसर,हवा चेक करण्याचे स्वयंचलित मशीन, तिजोरी इत्यादी वस्तुंची खरेदी केलेली आहे.

धान्य चाळणी यंत्र

शेतकऱ्यांचा शेतीमाल विक्रीकरीता शासनाने हमीभाव केंद्र चालु केल्यास काही शेतीमाल हा साफसफाई करून आणावा लागतो. त्यावेळी खाजगी चाळणी यंत्राच्या साहयाने साफसफाई करावी लागते. त्यासाठी शेतकऱ्यांना जास्त पैसे दयावे लागतात. ही अडचण ओळखून विदयमान संचालक मंडळाने बाजार समितीचे स्वतःचे श्रीरामपूर मुख्य मार्केट व बेलापूर उपबाजार आवार येथे धान्यचाळणी मशिन घेतले आहेत.

शेतकरी भोजनालय

शेतकरी बाजार समितीमध्ये आपला शेतमाल विक्री करण्याकरीता तालुक्यामधून येतात. त्यास अल्प दरात बाजार समितीच्या आवारातच जेवण उपलब्ध करून दयावे असे विदयमान संचालक मंडळाने ठरविले आहे. शेतकऱ्यांस १० रूपयांत अल्प दरात २ पोळी, एक भाजी,ठेचा,लोणचे असे पदार्थ देण्याचा निर्णय संचालक मंडळाने घेतला आहे व हे शेतकरी भोजनालय चालू झाले आहे.

मार्केट कमान

बाजार समितीच्या ऑफीसच्या मुख्य गेट वर ए.सी.पी.शीट चे नविन मार्केट गेट कमान बांधण्यांत आलेली आहे. त्यामुळे बाजार समितीच्या वैभवात भर पडलेली आहे.

डि.पी.उभारणी

बाजार समितीच्या आवारात महावितरण कंपनीची डी.पी.असुन सदर डी.पी.वर विदयुत वापर वाढल्याने व्होल्टेजची अडचण येत होती. नविन पेट्रोल पंप व धान्य चाळणी यंत्राकरीता विदयुत पुरवटा सुरळीत होण्यासाठी बाजार समितीने नविन १०० k.v डी.पी.ची उभारणी करण्याचा निर्णय घेतला त्यानुसार ३.५० लाख खर्च करून बाजार समितीने नविन डी.पी. ची उभारणी केले आहे.

शेतकरी बैठक व्यवस्था

शेतकरी आपला शेतमाल विक्रीकरीता बाजार समितीत आल्यानंतर त्यास निवांतपणे सावलीला बसता यावे याकरीता बाजार समितीने भव्य शेडची उभारणी करून त्याठिकाणी स्वच्छ व थंड पाणी पिण्याकरीता वॉटर कुलर बसविले आहे.

जिल्हा बँक शाखा

श्रीरामपूर बाजार समितीने शेतकऱ्यांच्या सुविधेकरीता श्रीरामपूर बाजार समितीच्या आवारात जिल्हा बँकेची शाखा चालु करणेकरीता इमारत उपलब्ध करून दिली आहे. पुर्वी जिल्हा बँकेची शाखा ही मुख्य शहरात असल्याने शेतकरी, व्यापारी, दुकानगाळेधारक यांना बँकेच्या दैनंदिन व्यवहाराकरीता शहरात जावे लागत होते. परंतु संचालक मंडळाने निर्णय घेवून स्वर्गीय आमदार जयंतराव ससाणे साहेब यांच्या सहकार्याने जिल्हा बँकेची शाखा श्रीरामपूर मार्केट यार्ड परिसरात चालू केली आहे.

वॉटर कुलर

शेतकरी आपला शेतीमाल विक्रीकरीता बाजार समितीत आणल्यानंतर मालाचे लिलाव होऊन विक्री होईपर्यत शेतकऱ्यांना बाजार आवारात थांबावे लागते. बाजार आवारात शेतकऱ्यांना स्वच्छ व थंड पाणी पिण्यास मिळावे याकरीता श्रीरामपूर बाजार समितीने आपल्या प्रत्येक विभागात थंड पाण्याकरीता वॉटर कुलर बसविले आहेत.

अंडरग्राउंड ड्रेनेज

श्रीरामपूर बाजार समितीचे आवार मोठया प्रमाणात आहे. व त्याठिकाणी भुसार मार्केट,कांदा मार्केट,भाजीपाला मार्केट,जनावरे मार्केट, शेतकरी निवास अशी वेगवेगळी विभाग आहेत. पावसाळयात पाऊस मोठया प्रमाणात झाल्यास सर्वत्र पावसाचे पाणी साचत होते. चिखल तयार होत होता. त्यामुळे शेतकऱ्यांना आपला शेतमाल आणण्यास अडचणी येत होत्या. त्यामुळे बाजार समितीच्या आवारात अंडरग्राउंड ड्रेनेजची व्यवस्था करण्यांत आली आहे.

स्ट्रीट लाईट

श्रीरामपूर बाजार समितीचे आवार मोठे असुन त्यामध्ये अनेक विभाग आहेत. कांदा मार्केट व भाजीपाला मार्केट मध्ये शेतकरी आवक ही शक्यतो संध्याकाळी जास्त प्रमाणात येत असते. त्यांच्या मालाचे वजनमाप चांगल्या प्रकारे व्हावे. यार्डमध्ये अंधारात चोन्या होवू नये याकरीता परिसरात प्रकाश असावा म्हणून श्रीरामपूर बाजार समितीने संपूर्ण बाजार समितीच्या आवारात स्ट्रीट लाईटची व्यवस्था केलेली आहे.

कापूस बाजार फी

श्रीरामपूर तालुक्यातील शासनाचे कापूस खरेदी केंद्र बऱ्याच दिवसांपासून श्रीरामपूर जिनींग प्रेस नसल्याकारणाने बंद आहे. त्यामुळे श्रीरामपूर तालुक्यातील शेतकऱ्यांना आपला कापसू विक्री करीता इतरत्र जावे लागते. त्याकरीता बाजार समितीने बेलापूर उपबाजार अंतर्गत कापूस खरेदी करणाऱ्या व्यापाऱ्यांना लायसन्स देवून व्यवसाय करण्यांस परवानगी दिली आहे. त्यामुळे बन्याच शेतकऱ्यांची कापूस विक्रीची सोय झाली आहे.